Gwasanaeth Tanysgrifio Iechyd Anifeiliaid i Rybuddion am Glefydau
Nod gwasanaeth tanysgrifio Iechyd Anifeiliaid i rybuddion am glefydau, sy’n rhad ac am ddim yw eich helpu i gael y wybodaeth ddiweddaraf am achosion o glefydau anifeiliaid.
Mae’r gwasanaeth wedi’i anelu at geidwaid da byw, ond mae ar gael i bawb. Gallwch gofrestru a dewis cael gwybodaeth drwy neges destun, ffacs, neges llais neu e-bost am hyd at bum clefyd hysbysadwy mewn anifeiliaid.
- clwy'r traed a’r genau
- y Tafod Glas
- ffliw adar
- clefyd Newcastle
- clefyd clasurol y moch
- clefydau ceffylaidd ecsotig
Tanysgrifio
Er mwyn cael rhybuddion neu eu rheoli ewch i’n tudalennau tanysgrifio neu ffoniwch 0844 8849888.
Mae’r gwasanaeth tanysgrifio yn ategu sianeli eraill Iechyd Anifeiliaid a Defra ar gyfer sicrhau bod y gymuned ffermio a rhanddeiliaid yn cael y wybodaeth ddiweddaraf am ddatblygiadau o ran clefydau hysbysadwy anifeiliaid, sef:
- Llinell Gymorth Defra 08459 335577
- Llinell wybodaeth wedi’i recordio Iechyd Anifeiliaid 0844 88 44 600
- System negeseua sydyn Iechyd Anifeiliaid sy’n anfon negeseuon at gwsmeriaid lle cedwir manylion cyswllt.
- Cofrestr Dofednod Defra ar 0800 634 1112
Noder os ydych yn rhanddeiliad/ceidwad da byw sydd eisoes yn derbyn negeseuon gan Iechyd Anifeiliaid, rydych wedi cael eich targedu’n benodol. Felly os ydych yn cofrestru ar gyfer y gwasanaeth tanysgrifio, cewch rai o’r un negeseuon drwy sianeli gwahanol.
Rhoi’r gorau i’r negeseuon
Os ydych wedi tanysgrifio i wasanaeth rhybuddion newyddion Iechyd Anifeiliaid ac yn dymuno rhoi’r gorau i’r tanysgrifiad neu os ydych yn derbyn negeseuon nad ydych yn dymuno eu cael, mewngofnodwch i reoli’ch tanysgrifiad.
Noder os ydych yn geidwad da byw cofrestredig (gyda rhif daliad) yna ni fydd yn bosibl i chi dynnu’ch enw oddi ar ein system. Gallwch ddiweddaru’ch manylion drwy gysylltu â’ch Swyddfa Iechyd Anifeiliaid leol.
